बोरव्हा गाव हे वाशीम जिल्ह्यातील मंगरुळपीर तालुक्यात आहे. पाणी फौंडेशन मार्फत सुरु झालेल्या पाण्याच्या चळवळीत हे गावं शामिल आहे. विदर्भातले म्हणावे तर दुर्गम असे गाव. समृद्धीच्या दिशेनी स्थलांतर होऊन गावाची लोकसंख्या कमी होत गेली.

…

गावात समृद्ध जीवन जगायचे असेल तर पाण्याच्या नियोजनातून हे शक्य होऊ शकते यासाठी चळवळ वृत्तीनी लोक काम करत आहेत. पाणी फौंडेशन आयोजित Water Cup अंतर्गत  गेल्या वर्षी तालुक्यातील पहिले बक्षीस मिळाले व या वर्षी राज्य पातळीवर यांचे नामांकन झाले आहे. 11 तारखेला होणाऱ्या बक्षीस समारंभात याचा खुलासा होईल.

…

पाणी, त्या आधारित उपजीविका, ऊर्जा स्वावलंबन, तसेच निसर्गाचे संवर्धन करत बोरव्हा गावात समृद्ध जीवन जगण्याची चळवळ कशी चालू आहे याबद्दल गावातील लोकांकडून थेट ऐकण्यासाठी भेटूयात. संतोष वाळके यांच्या भाषेत सांगायचे तर उर्जेच्या तसेच कृषीच्या बाबतीत 22 व्या शतकाची तयारी करणारे गाव कसे काम व विचार करते आहे हे जाणून घेऊयात.